Har du jobba nokre år som montør og kjenner at du vil ta meir ansvar, og utan å gi opp det praktiske? Då vil vi gjerne snakke med deg.
Vi jobbar med PE-system til mellom anna landbasert oppdrett, lukka merdsystem og vassforsyning. Du blir arbeidsleiar på anlegg og får ei rolle som kombinerer leiing i felt + plastsveising + kvalitet og HMS. Det handlar om å levere litande løysingar.
Dette får du ansvar for
Du leier arbeidet på byggeplass: planlegg dagen saman med teamet, fordeler oppgåver, følgjer opp framdrift og sikrar at HMS, kvalitet og sveisedokumentasjon er som det skal.
Du jobbar tett med teamet av arbeidsleiarar, prosjektansvarleg og eit lag med røyrleggarar, montørar og andre fagfolk.
Arbeidsoppgåvene dine blir blant anna:
- Arbeidsleiar for monteringsjobbar på anlegg
- Koordinere arbeidsteam og sikre kvalitet på byggeplass
- Plastsveis av PE-rør og -plater (ekstruder, muffe og speil)
- Følgje opp sveisedokumentasjon, HMS og kvalitet
- Reise ut på monterings- og serviceoppdrag (rotasjon 12/16 ved større prosjekt)
Kven er du?
Vi trur du passar godt om du:
- Har fagbrev innan industrirøyrlegging/plastmekanikar, eller solid relevant erfaring
- Har jobba nokre år i felt og likar å ta ansvar
- Har interesse for å leie folk og få ting til å gå i lag på anlegg
- Kommuniserer greitt på norsk (engelsk er eit pluss)
- Førarkort kl B
Har du ikkje formell utdanning, men kan faget og har rett erfaring? Ta kontakt.
Kvifor velje oss?
- Ved større prosjekt: rotasjon 12/16
- Eit sterkt tverrfagleg miljø og korte vegar til avgjerder
- Velutstyrt arbeidsbil
- Variert kvardag: leiing, montasje og sveis
- Konkurransedyktige vilkår
- 100% fast stilling
- Du er knytt til hovudkontoret på Østerbø, men jobbar på prosjekt i heile landet
Meir informasjon og søknad
For meir informasjon eller spørsmål om jobben kontaktar du:
Klar til å ta steget, eller berre nysgjerrig?
Send oss ein kort søknad, eller ta ein uformell prat først. Vi ser fram til å høyre frå deg.
Send søknad og cv til: linda@osterbo.no
Søknadsfrist: snarast, søknader blir vurdert fortløpande
Østerbø Solutions
litande løysingar sidan 1977
Vi har snart 50 års erfaring frå mellom anna nasjonale leveransar av reservekraft og rørsystem, og er ein betydeleg regional aktør på elektro og automasjon. Vi er stolte over å levere litande løysingar til kundar innan akvakultur, industri og det offentlege.
Selskapet har i dag ca 65 tilsette med sterk fleirfagleg kompetanse, aktive eigarar og ambisiøse vekstambisjonar. Vi har hovudkontor på Østerbø og avdelingar på Frekhaug, Mongstad og Sløvåg. Velkommen med på laget