Sertifiseringane våre innan kvalitets- og miljøleiing er fornya. Resertifiseringa er gjennomført av Synfaring AS og stadfestar at styringssystema våre oppfyller krava i dei internasjonale standardane ISO 9001 og ISO 14001.
Systematisk arbeid gir litande løysingar
For oss er sertifiseringane ein viktig del av arbeidet med å levere kvalitet til kundane våre. Gode rutinar og tydeleg ansvar gjer det enklare å førebyggje feil, redusere risiko og finne betre måtar å jobbe på.
– Det viktigaste er ikkje sertifikata i seg sjølve, men at vi har system som fungerer i praksis. Vi skal ha kontroll på risiko, lære av avvik og heile tida sjå etter kva vi kan gjere betre. Det er dette arbeidet som gir resultat, seier Kathrine Molvik, COO i Østerbø Solutions.
Resertifiseringa viser at vi har styringssystem som oppfyller krava, men også at vi må halde fram med å utvikle og forbetre måten vi arbeider på.
Det er slik vi byggjer litande løysingar.
Kathrine Molvik, COO i Østerbø Solutions AS