Er du vår nye Lageransvarlege?
Bli med oss og levere reservekraft til sjukehus, datasenter og oppdrettsanlegg rundt i heile landet. Vi ser etter deg som likar orden, praktisk arbeid og ansvar i kvardagen. Hos oss får du ei viktig rolle i reservekraft-teamet i Sløvåg, med ansvar for at verkstad, lager, utstyr og logistikk fungerer slik det skal.
Arbeidsoppgavene dine blir mellom anna:
Arbeidskvardagen blir variert og praktisk. Du får ansvar for lager, verkstad, logistikk og klargjering av utstyr til prosjekt og serviceoppdrag.
- Drifte lager og verkstad i Sløvåg
- Koordinere delar og varer til montasjeprosjekt, service og reparasjonar
- Varemottak, vareklargjering, plukking og pakking
- Innkjøp og oppfølging av delar og lagerbehaldning
- Klargjere utstyr og delar til montørar og serviceteknikarar
- Prefabrikkering, enkle reparasjonar og klargjering av aggregat
- Vedlikehald og tilsyn av utleigeaggregat, verkstadmaskiner, truckar, hengarar, verktøy og anna utstyr
- Generell support knytt til strømaggregat og delelager
Foto frå opning av ny lokasjon i Sløvåg der lageret var ein naturleg festsal
Kven er du?
Vi søkjer deg som:
- Har erfaring frå lager, verkstad, logistikk, mekanisk arbeid eller liknande
- Likar struktur, orden og praktisk problemløysing
- Er sjølvstendig, nøyaktig og får ting gjort
- Gjerne utdanning innan mekaniske fag, elektro/automasjon eller logistikk
- Har god forståing for utstyr, verktøy og delar
- Har førarkort klasse B, gjerne BE
- Beherskar norsk godt, og gjerne engelsk i tillegg
Det er ein fordel med kjennskap til dieselmotor, strømaggregat, mekaniske produkt eller teknisk lagerhald. Erfaring kan vege opp for formell utdanning.
Kvifor velje oss?
Hos oss får du ei praktisk og viktig rolle i eit tverrfagleg miljø. Du blir tett på både verkstad, service og prosjekt, og får ansvar for at kvardagen flyt for dei som er ute og leverer.
- 100 % fast stilling
- Arbeidsstad Sløvåg
- Varierte arbeidsoppgåver og mykje ansvar i kvardagen
- Eit sterkt fagmiljø med korte vegar til avgjerd
- Konkurransedyktige vilkår
Eit solid selskap i vekst, med røter i lokalmiljøet og blikket framover
Vi kallar det litande løysingar.
Det gjeld ikkje berre for kundane – det gjeld for dei som jobbar her òg.
Kontakt oss
Klar til å ta steget?
Send oss cv – eller ta ein uformell prat først. Vi ser fram til å høyre frå deg.
Send cv og kort søknad til: linda@osterbo.no,
Søknadsfrist: 10.08.26, søkarar blir vurdert fortløpande.
Østerbø Solutions AS
litande løysingar sidan 1977
Østerbø Solutions har snart 50 års erfaring frå mellom anna nasjonale leveransar av reservekraft og rørsystem, og er ein betydeleg regional aktør på elektro og automasjon. Vi er stolte over å levere litande løysingar til kundar innan akvakultur, industri og det offentlege.
Selskapet har i dag ca 65 tilsette fordelt mellom hovudkontor på Østerbø og avdelingar på Frekhaug, Mongstad og Sløvåg. Velkommen med på laget