Sotra legevakt har no flytta inn i nybygget der kraftforsyninga er sikra med litande nødstrøm frå Østerbø Maskin AS. Offisiell opning av senteret er 29. mars 2019.

Nødstrøm – når liv og helse står i fare

– Dette har vore eit spennande prosjekt for oss, seier salsingeniør Magne Halland hos Østerbø. – Nødstrøm på helseinstitusjonar stiller strenge krav til responstid, levering, støy og vibrasjon. Her er det avgjerande for liv og helse at alt fungerar som det skal til ei kvar tid.  

1 000 hk og 11 000 kWh i døgnet

Installasjonen er eit Himoinsa-aggregat med Doosan-motor

Leveransen frå Østerbø er eit Himoinsa aggregat på 823 kVA med Doosanmotor på over 1 000 hk og Mecc-Alte generator som kan forsyne senteret med over 11 000 kWh i døgnet. Anlegget leverer strøm til det lokalmedisinske senteret på under 15 sekund ved feil på forsyningsnettet.

Vi jobbar aktivt med støyreduksjon for å gjere strømaggregat stadig meir stillegåande. Her målast låge 69,6 db ved eksosavkast

Dette er eit av 5 strømaggregat levert til «Helseparken» på Straume. Sjå meir om dei fire andre her >>

Komplett nødstrømsanlegg

Østerbø har levert komplett anlegg med dieseltank, eksosanlegg, lyddemping og kjølesystem for aggregatet. – Sjølve aggregatet er produsert hos leverandøren vår Himoinsa som er ein av verdas største produsentar av strømaggregat. Ekspertisen til Østerbø er å lage den rette løysinga for senteret og levere den komplette pakken med installasjon og trygg oppfølging i ettertid. Vi takkar for oppdraget og gratulerer heile nye Øygarden kommune med nytt og flott lokalmedisinsk senter! avsluttar Halland.