Osland Stamfisk AS investerer no i den første hybride fôrflåten i Osland-konsernet. Løysinga er levert av Østerbø Maskin AS og Electro Automation Austevoll AS og går til Osland Stamfisk sitt anlegg på Skigelstrand, Rogaland.

 – Hybrid er den beste løysinga der landstrøm ikkje er mogleg, seier driftsleiar Sverrir Valdemarsson i Osland Stamfisk AS, – Vi jobbar målretta med berekraftig matproduksjon, og det er derfor ein eksisterande flåte vi no oppgraderer til toppmoderne hybrid drift.

Sjølve monteringa på flåten skjer no i april, mens FAT og opplæring er gjennomført på Austevoll.

– Slik blir det mindre behov for service, lågare olje- og drivstoff-forbruk og mindre støy. I tillegg vil levetida på generatoren bli lenger sidan den no får «eit sunnare liv»

 

Jan Erik Søreide

Sals- og marknadssjef, Østerbø Maskin AS

Hybrid forflåte - FAT på Austevoll

FAT og opplæring i testlokalet til Electro Automation Austevoll. Her var representantar frå Osland Stamfisk, Electro Automation Austevolll og Østerbø Maskin tilstades. Frå venstre: Gunnar Gryte, Daniel Tveit Haugland, Jan Erik Søreide, Øyvind Berntsen og Sigve Gokstad.

Generator + «Batterator»

Østerbø Maskin AS er leiande på strømaggregat og Electro Automation Austevoll AS har utvikla batteripakken «Batterator». Saman har dei solid erfaring frå havbruksnæringa og når dei no slår hovuda sine saman blir resultatet ei optimal løysing for hybrid drift av fôrflåtar.

– Vi jobbar målretta med berekraftig matproduksjon, og det er derfor ein eksisterande flåte vi no oppgraderer til toppmoderne hybrid drift.

Sverrir Valdemarsson

Driftsleiar, Osland Stamfisk AS

Mange fordelar med hybrid fôrflåte

Til vanleg utnyttar eit flåteaggregat gjerne berre 15-20% av effekten fordi det må vere dimensjonert for å takle dei store toppane i eit forbruk med stor døgnvariasjon. Ved å kombinere generatoren med «Batterator» vil den no gå med optimal last når det er i gong. Generatoren vil forsyne flåten med det den treng og samtidig bruke overskotet til å lade «Batterator». Når batteria er fullada vil dei forsyne flåten og generatoren slåast av. Dette fungerer saumlaust og automatisk og gir optimal drift, døgnet rundt, heile året.

– Slik blir det mindre behov for service, lågare olje- og drivstoff-forbruk og mindre støy. I tillegg vil levetida på generatoren bli lenger sidan den no får «eit sunnare liv», seier Jan Erik Søreide hos Østerbø Maskin AS. – Så denne løysinga er faktisk vinn-vinn for både miljø og økonomi på sikt.

Viser Batterator og Generator

Fokus på tryggleik

Electro Automation Austevoll er svært nøgd med leveranse av «Batterator» til Osland, og leverer her eit batterisystem som er dimensjonert tilsvarande størrelsen på generatoren. Batteria som blir nytta er DNV godkjente for bruk i fartøy. Dei er blant dei tryggaste batteria på marknaden og innehar ein batterikjemi utan tungmetallet kobolt.

Kanskje du er interessert i desse sakene?

Møt oss på Aqua Nor!

Møt oss på Aqua Nor!

Vi er godt i gang på AquaNor i Trondheim som går av stabelen 20. - 23. august. Kom innom på stand A-121, der stiller vi ut vår Østerbø Yanmar notvaskar og viser satsinga vår innan nødstrøm, reservekraft og rein straumforsyning til oppdrettsnæringa.Sjekk og...

Ni strømaggregat til fórflåtar

Ni strømaggregat til fórflåtar

Østerbø har levert og installert 3x3 Strømaggregat på betongflåtar til havbruk. Leveransen er gjennom Endúr Sjøsterk til Nordlaks. År 2019 Sluttkunde Nordlaks Kapasitet 3x45 kVA, 6x200 kVA Frå venstre: Arve Søreide - salsleiar aggregat Østerbø...

Nødstrøm til datasenter

Nødstrøm til datasenter

Strømaggregat frå Østerbø sikrar straumen til datasenteret Datafjellet AS i Bergen. År 2018 Sluttkunde Datafjellet AS Kapasitet 2x645 kVA 10 år med datasenter i fjellhall Datafjellet leverer sikker infrastruktur og skreddarsydde datarom til...